Ryfylke fjordhage

Fjordhage i Ryfylke

potet Drøymer du om å få ei lita hytte og ein kjekk hage til?

Dyrke blomar, urter, vindruer, livet og naturen? Sitje ute med kaffikoppen og sjå sola gå ned i fjorden?

Sjå reguleringsplan her
Sjå teikning av hytta her (med universell utforming)

I løpet av 2010 håper vi å starte opp ein privat kolonihage på Hebnes i Ryfylke, og vi håper og trur at dette kan vere svaret på draumen din.

KVA: Prosjektet legg opp til ca 26 hytter med ein hageparsell til kvar hytte. Hyttene blir omlag 35 m2 store og får innlagt vatn og kloakk. Hyttene vil ha ei universell utforming. Universell utforming kan definerast slik: «Universell utforming betyr at produkt, byggverk og uteområde som er i alminneleg bruk, skal utformast slik at alle menneske skal kunne bruke dei på ein likestilt måte så langt det er muleg, utan spesielle tilpassingar eller hjelpemiddel» (kjelde: Wikipedia).

Vi har stor båthamn med mulegheit for båtplassar til kvar hytte. Hyttene og hagane vil ligge lunt og fint til på eit nes med fjorden så nære at du nesten kan hoppe frå vindauget og ut i morgonbadet. Nesten. Vi lover deg fjordutsikt frå kvar einaste hytte!

KOR: Fjordhagen ligg plassert på Hebnes i Ryfylke. Frå Haugesund er det om lag 13 mil å køyre sørover. Frå Sauda tar det 50 min å køyre. Frå Stavanger kan du reise med hurtigbåt. Det tar ein dryg time. Fjordhagen ligg 700 meter frå kaien på Hebnes.

Ryfylke fjordhage er eit prosjekt som skal etablerast i ein nyleg vedteken kommuneplan i Suldal kommune i Ryfylke (29. oktober 2009).

Denne e-postadressa er verna mot program som samlar e-postadresser. Du må aktivere JavaScript for å kunne sjå adressa viss du er interessert eller har lyst til å høyre meir om dette!

Les meir..

Legg til kommentar (0)

Visingar: 324

Sist oppdatert onsdag 01. september 2010 14:06

Universell utforming

Denne nettsida er tilrettelagt etter krava om universell utforming. Det tyder at du kan gjere skrifta større eller mindre, kontrastane er gode, sida lastar lett, informasjon finst som tekst, lenker skil seg ut frå annan tekst m.m. Vi har lagt vinn på å følgje krava frå Difi. Er det noko du saknar? Gi oss eit vink!